ආදරය සුන්දර දඬුවමකි...!

කිව්ව වෙලාවට වඩා පරක්කු වෙලා මුණගැහෙන් එන Girlfriend ට දෙන්න පුළුවන් හොඳම දඬුවම මොකක්ද ?

වෙලාවට වැඩ කරන්නේ නැති ගෑණු ළමයි හින්දා පාරවල් ගානේ, Bus halt වල, Tution classes ළඟ රස්තියාදු වෙන කොල්ලෝ අපි ඕනෑ තරම් දැකලා තියෙනවා. එනවා කියපු වෙලාවට පැය කීපයකට පස්සේ ඇවිල්ලා "ඔයා ඇවිත් හුඟක් වෙලාද ?" , "මම පරක්කු වුණා ද ?" වගේ මෝඩ ප්‍රශ්න අහන Girlfriends ලත් අපිට ඕනෑ තරම් මුණ ගැහිලා තියෙනවා. Girlfriend එනකල් රස්තියාදු වෙවී හිටපු කොල්ලෙක්ගෙන් එයාගේ Girlfriend අර මුලින් කියපු විදිහේ ප්‍රශ්නයක් ඇහුවොත්.... නිකමට හිතන්න , ඔයයි ඒ කොල්ලා කියලා.. දැං කියන්න බලන්න ඔයාගේ උත්තරේ මොකක්ද කියලා ?

වෙලා ගිහින් ආපු Girlfriend ට හොඳවැයින් දෙක තුනක් කියලා බනින එක තමයි ඔයාට ලේසියෙන් ම කරන්න පුළුවන් දේ. සමහර විට කාලෙකට පස්සේ , බොහොම අමාරුවෙන් වෙලාව යොදාගෙන ( සමහර විට ගෙදරට අම්බානක බොරු කියලා ඇවිත් ) දාහක් බලාපොරොත්තු වලින් හිත පුරවගෙන , දවස ගත කරන විදිහ තත්පරෙන් තත්පරේ සැලසුම් කරගෙන ආපු ඔයාට ඒ විදිහට කේන්ති යන එකත් සාධාරණයි. Girlfriend ගේ පමාව නිසා දවසම නාස්ති වුණා වගේ හැඟීමක් ඔයාට දැනෙනවා වෙන්න පුළුවන්. ඒත් Girlfriend ගේ පමාවට වඩා දවස නාස්ති කරන්නේ ඔයාමයි කියලා නිකමටවත් ඔයාට හිතෙන්නේ නැතිව ඇති. Girlfriend පරක්කු වෙලා ආපු එකට තරහා ගියාම හුඟක් කොල්ලෝ කරන්නේ දවසම ඒක අල්ලගෙන Girlfriend ට බණින එකයි. ඒකෙන් වෙන්නේ ආදරණීයව ගත කරන්න හිතාගෙන ආපු දවස දෙන්නටම අප්‍රසන්න දවසක් වෙන එකයි. අන්තිමට දවස නිකරුණේ ගෙවිලා යනවා විතරක් නෙවෙයි, දෙන්නා අතර හිත් අමනාපකමකුත් ඇති වෙනවා. පස්සේ කාලෙක ලොකු ලොකු ගැටුම් බවට පත් වෙන්නේ මේ වගේ පුංචි හිත් අමනාපකම් තමයි.

ඒත් පරක්කු වෙලා එන Girlfriend අර විදිහේ ප්‍රශ්නයක් ඇහුවම ( ඒක මහ මෝඩ ප්‍රශ්නයක් බව ඔයාට විතරක් නෙවෙයි , Girlfriend ටත් තේරෙනවා තමයි. නමුත් මේ වෙලාවේ එයා එහෙම අහන්නේ වෙලා ගිහින් ආපු එක වරදක් බව එයා දන්න නිසයි ) "ඔයා එනකල් සංසාරේ පුරාවට බලන් හිටිය මට ඔය ටික වෙලාව බලන් ඉන්න එක මොකක්ද ?" වගේ ආදරණීය උත්තරයක් දෙන්න පුළුවන් නම් ඒක අර ආපු ගමන් තරහෙන් ඇඟට කඩා පනිනවට වඩා හරිම effective. ඔයාගෙන් ලොකු බැණුමක් අහන්න සූදානමින් එන Girlfriend ට ඒ වගේ උත්තරයක් දීමෙන් එයාව පුදුම කරන්න ( පුදුම කිරීම කියන්නේ ආදරයක පැවැත්මට හරිම වැදගත් සාධකයක්) , එයා තුළ ඔයා පිළිබඳ ආදරය තව තවත් වැඩි කරවන්න ඔයාට පුළුවන් වෙනවා. අනික ඒ වගේ ආදරණීය උත්තරයක් වක්‍රව Girlfriend ට දෙන හොඳ දඬුවමක් බවත් අමතක කරන්න එපා. බැණීමෙන් දෙන දඬුවමට වඩා මේ දඬුවම හරිම effective, ඒ වගේම සුන්දරයි. සැබෑ පිරිමි කම කියන්නේ තරහ යන එක නෙවෙයි, තරහ පාලනය කර ගන්න එකයි. ඕනෑම ගෑණු ළමයෙක් ඒ වගේ හැකියාවක් තියෙන කොල්ලෙක්ට පණටත් වැඩිය ආදරය කරනවා. බැණුම් අහන්න සූදානමෙන්, බයෙන් , බයෙන් ඔයාව මුණගැහෙන්න එන Girlfriend ට ආදරයෙන් කියන එක පුංචි වචනයෙන් ඔයාගේ ආදරය , ඉවසීම පෙන්නන්න , Girlfriend ට සුන්දර දඬුවමක් දෙන්න විතරක් නෙවෙයි එදා දවසම සතුටින්, සුන්දරව ගත කරන්න මග පාද ගන්න පුළුවන්.

ආදරණීය ජීවිත සුන්දර කරන මේ වගේ පුංචි පුංචි දේවල් කොයිතරම් ලේසියෙන් කරන්න පුළුවන් වුණත් අපි ඒ දේවල් ගැන මොන තරම් නොසැලකිලිමත් ද? ඒ වගේ පුංචි පුංචි දේවල් තවත් දවසක අපි කියන්නම් Maxa.lk තුලින්

උපදෙස් - මනෝවිද්‍යාඥ, මනෝ උපදේශක ඉසුරු සමරකෝන් මහතාගෙනි