එක මිනිත්තුවක් අරන් කියවන්න.
boy- මං ඔයාට ආදරෙයි. ජීවිත කාලෙම ඔයා ලඟට වෙලා ඉන්න ඕනි.
girl - මං දන්නවා...
boy- විහිලු නෙවේ.
girl - මං දන්නවා මැට්ටෝ. උත්තරේ මොකක් උනත් අපි හැමදාටම හොඳ යාළුවෝ... එකඟ ද?
boy- ඒ කිව්වෙ බෑ කියල නේද?
girl - නැහැ මමත් ආසයි ඔයා ලඟට වෙලා ඉන්න...
හැබැයි මගේ කොන්දේසි තියෙනවා.
boy- ඒ මොනාද?
girl - ඔයා වැඩ කරන තැන හිත් අමනාපකම් ගෙදර ගේන්න බෑ. ගැහැණු අයත් එක්ක කතා කරන්න තහංචි නෑ. ඒත් වැරදි හැඟීමක් ඇති උනොත් මං ඔයාට හුඟක් ආදරෙයි කියල විතරක් මතක තියා ගන්න.
මට අම්මා තාත්තා බලන්න යන්න ඕනි. ඔයාම තමයි එක්කං යන්නෝනෙ. එයාලා අපි ලඟට එන්න කැමති වුන දවසක එයාලව බලාගන්න ඕනේ. අපිට අම්මලා දෙන්නයි. තාත්තලා දෙන්නයි.
යාලුවොත් එක්ක කොහේ හරි යන්න,කතා කරන්න හිතුනොත් ඔයාගෙන් අවසර ඉල්ල ඉල්ලා ඉන්න බෑ. ඒ වෙලාවට තරහ ආවොත් මං ආදරේ ඔයාට විතරයි කියලා ඔයා මතක් කරගන්න.
අතීතේ ඉවරයි. ඒත් මගේ අතීතෙ කියන්නම් ඔයාට. ඔයාගේ අතීතේ මට දැනගන්න උවමනා නෑ.
ඒත් කාටම හරි කියන්න ඕනෙ නම් ඒකට තමා මම ඉන්නේ.
වැරදි වෙන බිරිඳක් වෙන්න පුළුවන් මම. ඒ වරද දුකක් නම් ඒ ගැන කියන්නෝනෙ හොඳම යාළුවට.
ඒත් මං...
මටත් එහෙමයි. රහස් නෑ අපි අපිව හදාගමු.
කෙනෙක්ට තරහා ගිය වෙලාවට අනිත් කෙනා ඉවසන්න ඕනේ. බැහැම නම් ටිකක් තනියම ඉන්න දෙන්න ඕනේ. ඒත් බොහොම පුංචි වෙලාවක්.
අත උස්සන්න බැහැ මට. ඔයාගෙන් ගුටි කන්න තරම් හයියක් නෑ මට. වරද කාගෙ වුනත් ආදරෙන් කියල දෙන්න ඕනි හෙමිහිට.
පුලුවන් වෙලාවට ගෙදර වැඩ වලට උදව් වෙන්නෝනෙ. අඩුම තරමේ ලඟින්වත් ඉන්න ඕනේ. සමහරදාට මගේ අතින් කන්න මට ඕනේ නෑ. ඔයා මට කවන්නෝනෙ. මාත් එහෙමයි.
මගෙ උකුළෙ ඔයාගේ ඔලුව තියන් කතා කර කර ඉන්නෝනෙ. අපේ දරුවෝ අලුත් ලෝකේ හොයන් යද්දි මැදිහත්ව ඉවසන්න ඕනෙ. උන්ට නිදහස දෙන්නෝනෙ. ඒත් නිතරම අපේ ආදරේ පෙන්වන්නෝනෙ.
වයසට ගියාමත් ඔයාගේ ලඟින් ඉන්නෝනෙ. ආදරෙයි කියන්ඩ ඕනි ගොඩක්. මුලින් කවුරු මැරුණත්... අනිත් කෙනා හිතින් වැටෙන්න බෑ. ඉතිරි කාලේ සැනසීමෙන් ඉන්න ඕනි...
එකඟද මගේ කොන්දේසි වලට
No comments:
Post a Comment
ඔයාලගේ අදහස් ලියල යන එක මට කරන ලොකු උදව්වක්